فى مرة كنت قاعد
بتفرج من بعيد
على دنيا فيها الظلم
بقى عادى ومش جديد
والناس قاعدة ساكتة
ومابتقولش ولا تعيد
يائسة وفاقدة املها
فى عدل يكون عنيد
ايه يا بشر فوقوا
واصحوا من الأوهام
اوهام ظلم مزروع
فى الف مليون كيان
قوموا وقولوها بصوت
يعدى كل الحدود
تجاعيد زمانى كترت
وعدت كل السدود
لانافع فيها تجميل
ولا شد بأيد خبير
وشك يا زمانى كرهته
بكل تفاصيل غباوته
لأمتى حتفضل ساكت
عن ظالم ضحى بمبادئه
ولو كنت مستنينا
نقوم نشيل ظلمك
تبقى خايب ومش شايف
وبكدة حيضيع حلمك
جيبولى جراح دكتور
بمشرط او بساطور
وقولوله امحى بايديك
تجاعيد زمن مسطور
بكلمات للظلم قصور
وللعدل سجن مقهور
نفسى الناس يشاوروا
على كل ظالم جبار
ونفسى اشوف فى ايديهم
محاكمة بقانون من نار
نفسى مانعيبش زمانا
والعيب جوا فينا
نفسى العدل يبقى
قوة الحق فى ايدينا
ياترى الحكاية صعبة
ولا خوفنا سيطر علينا
هناك 10 تعليقات:
والله جامد
مع إني مليش تقل علي الشعر
بس الكلام شدني
ويارب يجي اليوم اللي منشوفش فيه تجاعيد الزمن من الخوف
والحل بسيط أوي
يا إما العدل جروب
يا إما يرنا يخده (الخوف) في عز شبابه
قولوا آمين
واستمر يا ريس
ولا بلاش ريس دي لتفتكرني بشتم ولا حاجه
سلام
ما شاء الله ما شاء الله
راااائعة اوى
واضح انك معبى من الزمان جدا و اى حد يقرا البوست هيبعبى معاك
انطلاقة شدييييدة الى الامام
شكلنا هنهيص عى القهوة
بدااااااااااية جامممممممممدة موت , جميل اوى , وفعلا الزمان وشه مليان تجاعيد , امتى بقى هنشوفه من غير تجاعيد
اكتر حتة ضحكتنى انى قريت اخر جملة على انها تبع الشعر وعمالة اقول ازاى يعنى يارب تعجبكم , وارجع تانى بالسطر اللى قبلها مش لقياها ماشية مع القافية خالص
شكرا على الردود الجميلة دى
وبلاش موضوع الريس دة ياعم كولد هاهاها
يا كهرمانة انا مش معبى ولا حاجة
اما بقى زى الهوا بقى يا راجل مش واخد بالك ان الجملة الأخيرة مش تبع الشعر هاهاها
جامد أوي يا واد يا يوسف
و الله حلو
بالمناسبه
زي الهوا مش راجل
دي موحه
تسلم إيدك يا يوسف..المفروض تروح تسجلهم بسرعة قبل ما حد يستعيرهم منك بالعافية و يحد عليهم اسمه.. ويلكم ف الشبكة العنكبوتية و أهلا بالمساوئ :)
Nice ya kameel
Perfect feeling from the Perfect Person
go on :)
عندك حق يا كوين بس اسجلهم فييييييييييييييين شكرا جدا على الرد الجميل
ونورت يا نجم باشا وشكرا على الرد الجامد
هههههههههه كدة سبونسر محسسنى إن موحة دى نوع يعنى فيه بنت وفى ولد وفى موحة ههههههههههههههههه
هههههههههههه
إرسال تعليق