إيام ما وقفت البلوج ده ... كنت كل ما بفكر في فكرة بوست ... أجري على المذكره بتاعتي و أروح أكتبها ... و أكتب أنا كنت بفكر في إيه بالضبط
و كان كل فكره أحس أنها أحسن حصلت بعد الشكولاته التويكس .... و يوم بعد يوم ... زادت الأفكار
النهارده ... روحت ابص عليها .... إيه العبط ده ؟
أنا كنت عبيط للدرجه دي ؟
هل أنا دلوقتي حكيم علشان أقول على نفسي كنت عبيط و لا انا هقرا الكلام ده كمان سنه و أقول على نفسي عبيط ؟
طبعا اتخنقت من كميه كلمه عبيط إللي وردت في الموضوع و قررت أني لو شكيت في نفسي أني كنت حكيم في الفتره دي ... أرجع و أقول .. لأ ... أنت كنت عبيط و تفكيرك أهبل
إزاي ؟
بصوا بقى .... في موضوع بقاله فتره شاغل بالي ...من غير تقليس و لا غمزات و حركات قرعه .... هحكي حكايه و بعدين أسأل سؤال
في فتره الإمتحانات ... كنت سهران بذاكر بالليل ... زي أي طالب مجتهد .... خلصت مذاكره ... أو بمعنى آخر ... المذاكره خلصت عليا ... قررت أنام شويه ... زي البني آدمين .... بس قولت الأول هغسل سناني
و أنا واقف بطلع المعجون من الأنبوبه ... جالي تفكي غريب قوي
هو ده السؤال
هو معجون السنان بيطلع مخطط إزاي ... يعني عندك سيجنال تو ده ... بيبقى عجينه بيضه فيها خطوط حمرا ... ليه العجينه دي ما بتطلعش بمبي و خلاص ... مش عارف و مش قادر أفهم
و خصوصا أنهم مش بيبقوا مفصولين عن بعض
عموما إللي يلاقي حل للموضوع ده يقول لي ... و لو محدش حله ... يبقى أنا برضه فكرت نفسي أني كنت عبيط في تلك الحقبه الزمنيه
و إلى لقاء آخر
;)
هناك 10 تعليقات:
ههههههههههههههه
ايه الافكار دى
مش عارفة والله
بس مجتش فى بالى خااالص
هما العباقرة كدة علطول
ربنا معاك :)
المهم متكونش ناوى تختفى تانى
صحيح
انا عايزة اقول على حاجة بس مكسوفة من نفسى
انا مش عارفة اكتب القصة
حاولت ب كل الوسائل والطرق الممكنة و لكنى فشلت
حتى فكرت انى اخليهم كانوا نايمين و صحيوا من النوم
بس قلت انت كدة هتقتلنى
الناس اللى كاتبين القصة ما شاء الله عليهم عمالقة
وانا ساب زيرو
اعمل ايه
break
و الله أنا نفسي مش عارف الفكره دي جت منين
بس كل إللي أنا فاكره أني كنت قاعد أذاكر
cognosy
و قمت أغسل سناني..فجاتني الفكره
بالنسبه للقصه
سهله قوي ... إرميها على حد بتحبيه كده ... بس تكوني عارفه أن هيقدر يكملها
شكرا
بإذن الله هحاول ما أختفيش الترم ده
سلااااااااااام
طب تصدق انه مش انت لوحدك اللي عندك الافكار الغريبة دي
انا كمان فكرت في نفس السؤال بس من بدري خااااااااااالص
وطبعا محدش قدر يجاوب الاجابة الشافية المعافية
ايييييييييييييييييييييييييه
الواحد اصلا من كتر التفكير في حاجات غريبة بيحس انه دماغه دي خلاص هتتفرتك
يللا ما علينا
لو عرفت الاجابة ابقي قوللي
تحياتي
تصدق انا فكرت التفكير ده برضه
و بعد كده قلت اكيد الناس دى مش بتلعب اكيد الحكايه فيها انّه
و لحد دلوقتى ماعرفتش الانّه دى
:)
هههههههههههههه ايه الافكار دى ( وش محول ) ههههههههه
noury
يااااااااااه ... نفس الفكره و برضه مالقيتيش حل .... طب إيه الحل
عموما ... انا حطيت الموضوع في دماغي و هحاول أعرف على قد ما أقدر
شكرا
سلااااااااااام
sa'7so'7te
الناس دي مش بتلعب ... أنا سمعت أن السيجنال تو زملكاوي ... علشان كده المعجون بيطلع مخطط أحمر من نفسه كده .... بالطبيعه يعني
;)
سلااااام
زي الهوا
مجانين يا أبله موحه مش كده ؟
أدعي الطلبه بتوعك يطلعوا أحسن مننا
سلااااااااااااااااااام
تفكير عبقري :)
خير وقفت كتاباتك تانى ليه؟؟؟؟
إرسال تعليق