خلصت إمتحانات ... و كلمة إمتحان جايه من كلمة محنه ... علشان الطالب بيبقى في محنه ... فبعد زوال المحنه
و إحتفالا بالعيد العشرين للمدونه بتاعتي ... العشرين لزوم النصب يعني ... قررت أعمل نيو لوك
لأ ... مش هنفخ شنبي زي ما الأخ إللي واقف هناك ده بيقول
فتحنا قهوه ... و كل الناس إللي أعرفها بيدونوا ... هيشتركوا فيها بإذن الله
هتلاقو مواهب جامده ... مزاجات متقلبه ... بوستات تضحك و بوستات تبكي
معانا الموهبه الشعريه الفذه : شاعر على قده
معانا أحد الأهلاويه المتعصبين جدا : شيكس
و بإذن الله في ضيوف شرف كتير هيعدوا على المدونه
معانا مفاجآت كتيره بإذن الله في الصيف ... إن لم تشفطنا دوامة الحياه
و كل سنه و المدونه طيبه و الناس اللي بيدخلوها بصحه و عافيه
:D
الاثنين، 16 يونيو 2008
استفتاح
الاشتراك في:
تعليقات الرسالة (Atom)
هناك 18 تعليقًا:
كل سنه و مدونه كده طيبه و ان شاء الله الصيف ده يكون صيف عالى اوى وان شاء الله نكمل بعضنا ونطلع احسن حاجه باذن الله
shixawy
ان شاء الله الصيف دة حيبقة اجمد صيف وزى ماقال شيكس حنكما بعض ونبقى اجمد تيم
شكل المدونة كدة هتبقى جامدة , وحلوة فكرة القهوة دى ويارب تكون بدعت بغباء فى الامتحانات وامتيازات بإذن الله , مستنية اشوف التحول اللى هيحصل للبلوج
زي الهوا
ده أنا بدعت أحلى بدع ف الإمتحانات ... و بإذن الله الإبداع كله هيطلع عليكوا في المدونه
و الشباب اللي معايا ... و هما معايا في نفس الكليه ... عملوا زيي بالضبط ... فربنا يسهل
ووحشتني زياراتك و الله
منوره
طيب حمد لله على عودتك وبالتوفيق انشاء الله
لك مني كل التحيه
انا المذنب
شكرا ... و نورت البلوج
أول زياااره تكون ف مناسبه سعيده زي تخليص المحنه سوري الامتحانات
عاااااااااااااااا
بحقد عليكوا انا لسالي شهر
ربنا يستررررررررررررررر
أهلا و سهلا دكتور بهدوء .. و يا ربن تفضل منورنا في القهوة على طول
تسمع
yky
و هو بيقول شعر جميل ماشي جنب بعضه زي سلاسل دهب
أو تتفرج على شيكس وهو متعصب .. أو فرحان ... أو مكتئب .. أصله بيبقى عنده الذروه من كل حاجه ...معدهوش وسط
و المشاريب علينا المره دي
eah ya gd3aan ...
ba2aly nos sa3a taleb lemon wa mosh geah :D...
ISA this 2ahwa teb2a gamda...yalla...i'm waitin' (",)
الليمون ياو واد يا بليه للسفاااااح
و على حساب كده المره دي
بإذن الله نكون عند حسن ظنك
احنا قلنا نيجى نهنى و نبارك هنا
ربنا يجعلها اجازة سعيدة عليك
معلش اتأخرنا شوية على بال ما عجتينا على الفكهانى اللى جنب القهوة نجيب كده اد اتنين تلاتة كيلو موز و برتقال و مانجو و تفتح و مش لازم بقة قدام الناس ده كلها احنا جبنا ايه تانى
يللا بالهنا و الشفا
و مستنيينك بقة تقدملنا الضحك و الحزن و المفاجأت من خلال بوستاتك
شكلها هتلعب و المدونة هتبقى جامده فى النيو لوك كمان
بعد طبعا الزيارة اللى فااتت اللى جينا فيها كلنا
انا قلت اجى لوحدى تانى
كل سنة و انت و المدونة طيبيبن و عقبال كل سنة على خير يارب
منتظرين بوستاتك
مستنية القهوة وكل شوية اعدى إلا حتى ماباشرف ليمونادا , مش هستعجلك علشان بس القهوة ماتطلعش من غير وش , على راحتك خالص وعايزين قهوة جامدة
انا اتخضيت
قلت انا جيت عنوان غلط ولا ايه
مبروك النيو لوك
ليكوا كلكوا
ان شاء الله يبقى صيف تمام عندكوا
واضح انه هيكون كوكتيل جميل
السته بتوع صيدله
ألف شكر على الفواكه الجميله إللي جبتوها دي
حاجات حلوه أوي
بإذن الله نكون عند حسن ظنكم
زي الهوا
خلاص .... يوسف بدأ أهو ... يارب يعجبك
كهرمانه
نورتينا في الزيارتين و الله
break
تصدقي لو مجتيش الإفتتاح كنت هزعل أوي
أنا لاطش الفكره منكم ... بس إحنا كده بقينا الأربعه بتوع صيدله
أنا و يوسف و شكس
بإذن الله تعجبك المدونه بالنيو لوك
إرسال تعليق