الاثنين، 7 يوليو 2008

النهايه .....!!!




أصبحت لا أشعر بطعم الحياه ولا بلزتها

أصبحت أجهل معنى الحب و معنى الصداقه

حتى الخيانه و الجرح أصبحت لا افهمهم

أصبحت أعيش حياتى بحثا عن النهايه

لا بحثا عن بدايه جديده ......

لا اتطلع الى المستقبل ولا أشتاق الى الماضى

ارى المستقبل سراب و ارى الماضى عذاب

قد لا يكون مر من عمرى الكثير

لكنه يكفى كى أسلم اوراقى و أعترف انى

لا أقوى على هذه الدنيا ......

نعم يا دنيا هذه انا نعم انا من يقول هذا الكلام

نعم انا من يستسلم .... لا تتعجبى

نعم أقولها انا لا اقوى عليك

جراحى منك فاقت تحملى

و دموعى جفت من كثره الأحزان

اذا كان هذا ما يريحك فها انا اقولها

نعم انت اقوى منى و نعم ضعفى بلا حدود

و لم اعد اريد منك سواى النهايه ....

لا اريد جبيبا ولا اصدقاء

أريد فقط ان تمر ايامى فى سكون

حتى الابتسامه التى رسمت على وجهى

طول عمرى لم اعد اريدها

ولكن دونى فى صفحاتك انى كنت

من المحاربين الشرفاء الذين صمدوا

بكل جوارحهم حتى النهايه .....

دخلت الأسهم فى قلبى واحد تلو الأخر

دون ان اهتز ....لكن قلبى لم يعد به مكان

لجرح اخر لم يعد به مكان لسهم اخر

وداعا يا من كنتم فى يوم من الايام أصدقائى

وداعا يا من كنتم فى يوم من الأيام أحبائى

وداعا و اهلا بالنهايه .....

هناك 8 تعليقات:

keda-sponsor يقول...

بغض النظر عن جرعه الكآبه العاليه فيها

بس حلوه

أو ممتعه بمعنى أصح

Hala يقول...

هى ممكن تقراها فى الاوقات اللى الواحد بيكون مخنوق فيها غير كده لا :-)

Cold air يقول...

يا حول الله يا رب
يا بني خدلك قرص نعناع و فرفش وظقتت

وبعدين مش الواجب اللي المفروض حضرتك كنت خته مني كان يتحل

بس أحسن انك محلتوش و أنت في الحالة دي

هسيبك يومين كده تروق دمك وبعدين هاجي عشان أشوف الواجب

و يا المرة الجاية تنزلنا مطاليب فرش كده بدل القهوة السادة دي

هي حلوة بس مش حلوة
يلا باي

زى الهوا يقول...

انا شايفة إن اللى كاتبها واحدة اسمها هالة , يعنى بنت , فهعلق على انك بنت ولو ولد يبقى سامحنى واعذر جهلى بحضرتك

المهم ماعلينا , ايه كل كمية الكآآآآبة دى , بلاش كآبة بالله عليكى واضحكيلها وقهقهى , هيه على فكرة بتضحك للى بيضحكلها بس كل مشكلتها انها بتاخد وقت شوية , اصبرى عليها وهتبسطك صدقينى

تحياتى ليكى واتمنى البوست الجاى يبقى مليان ضحك

دكتور بهــدوء يقول...

بإختصار لا يمكن ان تعيش بلا بدايه
وان كانت غايتك هي النهايه فتبا لتلك الحياه
ليست حياه
بل الموت حياه امتع من حياه نهايه
فكر في ان تولد من جديد تبدا من جديد تبا للقديم
واهلا بحياه تعيشها بأفكار زادت واحده من جرح قديم كاد ان يميت
ولكنك صمدت واعانك الله عليك
******************************
تحياتي للكلمات المعبره

Cold air يقول...

سوري هالة

أنا كنت فاكر إن keda-sponsor
هو صاحب البوست

و ما أخدتش بالي إلا لما قرأت
تعليق زي الهوا
يمكن متعرفناش قبل كده
بس اكيد المرة الجايه هاخد بالي

بس حقيقي بتمني تكون دي النهاية
نهاية للإكتئاب اللي أنا شايفه
وبداية جديدة لحياة سعيدة
و مفيش حاجه بتدوم علي حالها
لا الفرح و لا الحزن

أقبلي إعتزاري علي سوء الفهم
سلام

Hala يقول...

شكرا يا جماعه على رايكم
اه انا جديده فى التيم و يا رب اكون قد الموضوع
انا عرفه ان الكلام فيه جرعه الكآبه عليا على راى محمد
بس هى كانت فى ظروف معينا و خلصت الحمد لله
سعات اللحظات الوحشه نتولد ابداعات اكتر من اللحظات العاديه
الواحد مبيعرفش قيمه الحاجه غير لمه تروح
شكرا لكم على رايكم و مروركم جدا .....

كلامنجي يقول...

انا تعبت من جرعة الياس والاحباط المكسفه خلي احزانك الجسر الي بتعبر عليه لافراحك لانا ربنا مش بيظلم حد زي ماشفت ايام وحشه ماتنكرش انك ضحكت من قلبك ومتنكرش انك زي ماقبلت ناس خاينه لقيت الي بيحبك بجد ايه رايك نعتبرها لحظة احباط عاديه ونبدا من جديد