إشمعنى كده ؟
سؤال غريب و ممكن أقولك و أنت مالك
بس مش هبدأ الموضوع لماضه
بص يا سيدي
عندك كلمة كده دي ملهاش أي معنى ولا اصل لغوي
تاني حاجة هي ان احنا بنستخدمها كتير اوي
كام مرة وأنت ماشي في الشارع مسطول فرملت عليك عربية و طلع لك راجل مكشر من الشباك و بيتفتف ويقولك : "فيه كده " طبعا ممكن ترد عليه وتقول له : " لأ مفيش بس ممكن تسأل عند المحل إللي قدام " بس أنا مضمنش النتيجة
تقتكر الراجل ده كان قصده ايه بكلمة "كده " وكان متنرفز ليه
ممكن تعمل حاجه حلوة تقلاقي صاحبك بقول لك : " أنت كده " تفتكر يقصد ايه
أكيد يقصد انك كده أو كده أو كده أو ممكن كمان كده
لحظه واحده ..... الشاب إللي واقف هناك على اليمين ... أيوه انت ..لو شفتك تاني بتغمز لما اقول " كده " هابعت لك فيروس او اطلعك بره ماشي
كلمة كده كلمه سحريه مثلا لو جعت ممكن تحطلها حرف الباء و تبقى كبده تعملها سندوتش
ممكن لو اتزنقت في موضوع تحطلها باء برده وتبقى كدبه بيضه تطلعك من مشاكلك
فكر كده في كلمة كده هاتلاقيها الاجابة على كل الحجات اللي محيره الناس في المحروسه و الوطن العربي
فاهم قصدي ولا انت شكلك كده ولا كده أو كده
ملحوظه للشاب اياه : قابلني بره بعد المدرسه
هناك 4 تعليقات:
جميلة قوى دى بجد.
قلبى حاسس ان انت كده معرفش ليه :) مش عارفه اوصلك عشان اتأكد بس قولى مين بيديكو تاكسونومى ف المحاضرات؟
لو جاوبت يبقى انا عرفتك..
انى واى مبروك على البلوج و ان شاء الله مش حتشوف الصفر ده تانى
أه هو أنا
دي معجزه بس أنتي خلتيني أتحمس أكتب
ودي أول مره أتحمس لحاجه في حياتي
شكرا
دكتور سلامه
جبتك خلاص
ازيك عامل ايه؟؟
والله مش عارفه أوصلك ازاى بس ليها حل اكيد ان شاء الله..
الحمد لله
والعمليه سهله
ده الميل بتاعي ممكن تبعتيلي عليه
kedasponser@gmail.com
إرسال تعليق