دايما كنت تلاقي العيال الصغيره تحب تقعد مع أجدادهم علشان عندهم حكايات مسليه عن الزمن الجميل , زمن نهارك جميل وطقس في غاية البداعه , و تلاقي الأجداد بيحبوا يحكو عن كرتونه البيض إللي كانت بمليم والراجل إللي كان معاه عشرين جنيه فاشترى محافظه الإسكندريه و عليها مطروح هديه , و العيديه كانت شلن كانوا بيروحوا به السنيما و يحجزوا تذاكر طياره لفرنسا ويقعدوا في فندق خمس نجوم يومين ويرجعوا تاني مصر ويحوشوا الباقي
وفي نفس الوقت يشتم في الإتصالات زمان و يحكيلك عن الناس إللي بتسافر قبرص علشان تعمل مكالمه دوليه من هناك و عن الراجل إللي حب يكلم بلده في الأرياف وسافر هناك وسلم على الناس و رجع و لسه المكالمه ماجتلهوش
ويحكيلك انه شال سعد زغلول ايام المظاهرات علشان يثبت لك انه كان له في السياسه زمان ومش وهيس زي حالاتنا
كلها حكايات جميله بس إيه الهدف منها
بص يا سيدي
أنا إمبارح تخيلت إني جدو , ولميت أحفادي كريم و أحمد حوليا أنا أحكي و أبوّخ لهم زمنهم و هما يسألوني
إقرا الحوار ده يا معلم
أنا : أنتو جيل أنتو ده انتو جالكو كل حاجه على الجاهز كل واحد فيكو ماسك موبيل بشاشه هولوجرام تخلي اللي بتكلمه كأنه قاعد معاك .... حد فيكو حضر الموبايل إللي من غير شاشه أساسا أو أبو شاشه أبيض و أسود
كريم : يعني إيه شاشه
أنا : عيب تقاطع جدك وهو بيتكلم ... حدفيكو لعب بلاي ستيشي 1 .... مفيش طبعا و كان عندنا حاجه اسمها سي دي بنشغلها عليه .. مش أنتو كل بتلعبوا بلاي ستيشين 12 بمخك ... زمان كان في حاجه اسمها ذراع تحكم
كريم : يعني إيه سي دي .... يعني أيه ذراع تحكم
وفي نفس الوقت يشتم في الإتصالات زمان و يحكيلك عن الناس إللي بتسافر قبرص علشان تعمل مكالمه دوليه من هناك و عن الراجل إللي حب يكلم بلده في الأرياف وسافر هناك وسلم على الناس و رجع و لسه المكالمه ماجتلهوش
ويحكيلك انه شال سعد زغلول ايام المظاهرات علشان يثبت لك انه كان له في السياسه زمان ومش وهيس زي حالاتنا
كلها حكايات جميله بس إيه الهدف منها
بص يا سيدي
أنا إمبارح تخيلت إني جدو , ولميت أحفادي كريم و أحمد حوليا أنا أحكي و أبوّخ لهم زمنهم و هما يسألوني
إقرا الحوار ده يا معلم
أنا : أنتو جيل أنتو ده انتو جالكو كل حاجه على الجاهز كل واحد فيكو ماسك موبيل بشاشه هولوجرام تخلي اللي بتكلمه كأنه قاعد معاك .... حد فيكو حضر الموبايل إللي من غير شاشه أساسا أو أبو شاشه أبيض و أسود
كريم : يعني إيه شاشه
أنا : عيب تقاطع جدك وهو بيتكلم ... حدفيكو لعب بلاي ستيشي 1 .... مفيش طبعا و كان عندنا حاجه اسمها سي دي بنشغلها عليه .. مش أنتو كل بتلعبوا بلاي ستيشين 12 بمخك ... زمان كان في حاجه اسمها ذراع تحكم
كريم : يعني إيه سي دي .... يعني أيه ذراع تحكم
أنا : عيب تقاطع جدك وهو بيتكلم ..... أنتو عارفين الجنيه ده كان يعمل إيه ... ده كان يشتري باكوين بسكويت لمبادا أو كيسين شبسي ... مش دلوقتي كيس الشبسي بخمسين جنيه ... كان عندنا ورقه بجنيه لأ و إيه كمان كان عندنا جنيه معدن ...شكله أنيق كان دايره فضي من بره و جواها دايره لونها نحاسي ... وكمان كان عندنا ربع جنيه مخروم
كريم : ؟؟؟؟
أنا : عيب تبص لجدك كده .... كنا زمان بنمشي في الشارع بعربيات .. مش كل واحد فيكو عنده طبق طائر بيروح بيه المشوار من غير ما يحس ... واد يا كريم روح جبلي شزية ميه ... وأنا هستناك و مش هكمل الحكايه إلا أما تيجي
كريم : كمل من غيري لو عاوز
أنا : عيب تكلم جدك كده ... أنا هستناك
أنا : لق لق لق لق .... الحمد لله
عارف إيه الحاجه الوحيده إللي لسه موجوده لحد دلوقتي ..... المطربه اللبنانيه صباح .... إمبارح كان فرحها السبعين
أحمد - الواد ده ساكت من الصبح و أنا مش مستريح له - : و جيلكو الجميل ده أخترع إيه من الحاجات إللي حضرتك بتتكلم عنها .... وبعدين مين إللي خلى الجنيه تمنه يقل ميت ضعف .... مين كان بيستخدم التكنولوجيا بسفه علشان يستمتع بالحياه من غير فايده ... مين إللي ظلم الجيل ده بتهاونه وتخاذله
أنا : مالكش دعوه
أحمد : ليييه
أنا : علشان إحنا كبار و حريين باختصار يعني ....... كده
هناك 6 تعليقات:
heyya men ne7yet moftareyya fa heya moftareyya fe3lan ya captin
la2ennak lamma tgeeb 3ayyel so3'ayyar w to3od te7keelo 3la 5ebetna yeb2a eftera w 3ahd allah..
bas a2ollak ana el mawdoo3 kollo mla5bat el floos mafehash baraka w lessa kaman mesh 7ayb2a fe 7aga esmaha baraka aslan w b shelem el tafa2ol elly m3ana da mesh 7aykoon mawgood howa kaman wel atba2 el tayra de 7aga 3abeeta 7ateb2a bta3et el atfal zay el scooter keda w akeed 7ayb2a fe waseelet mowaslat 3'erha..
2olly sa7ee7?? eshme3na karim w a7mad w mat2olsh keda ;)
nice topic w fekra gameela ya KEDA
بالنسبه لموضوع الطبق الطائر إللي هيبقى زي الاسكوتر فأنا ما رضيتش أتكلم عن الإحلال المكاني علشان ما يكونش دمي تقيل
أما عن موضوع أحمد وكريم فأنا همسك نفسي و مش هقول كده
بالنسبه لأحمد هو رذل علشان كده قلت أحطه في أول الكشف في المدرسه علشان يتربى
أما كريم فواضح إنه كريم لأنه مستحملني مع كل الزعيق ده
بخلاف الأسباب الملفقه دي .....أنا شايف إن الاسمين دول لايقين على اسمي
أما عن الإفترى فأنا شايف إن كل الأجيال عاشت عصور مقندله وبرده بيعدوا يتفشخروا إن هما عاشو فيها
صح
و شكرا
سلاااام
سالخييييييييير
ازيك يا باشا اخبارك ايه
بالنسبة للموضوع بقا
فالفكره انهم كانوا بيحكوا عن زمان على اساس ان زمان زمن جميل بما انهم حضروا الثورة وحضروا الريس لما كان بيكلم الشعب بقا وكان فيه ايام عز كان فيه ناس كتير بتخاف على البلد
انما دلوقتي مش كده
وبعد كده نأمل انك لما تيجي تحكي لأولادك تقولهم زماان كنا بنركب عربية الماني وصيني وياباني انما انتم دلوقتي بتركبوا عربيه مغربي وتقفيل مصري
او بتلعبوا بلعبة بتتكلم عربي صنع في مصر
اتمنى كده يارب
بالنسبة بقا للإتصالات زمان ليه كانت كده وكانت صعبة والمكالمة مكانتش بتوصل
فأنا ححكي الموضوع ده كان ليه بالتفصيل في مدونتي بهارات الاتصالات تابعها وانت تعرف ايه السبب في التأخير وليه التأخير ده اتحل دلوقتي
سانووووووووووووور
أنا كويس الحمد لله
بالنسبه لموضوع العربيات واللعب العربي دي يا ريت تسامحني علشان أنا مش متفائل خالص
طبعا أنا مش قادر أبص للشاشه علشان البلوج نور أما أنت زورته
ويا رب يكون عجبك
شكرا
سلااااااام
يا عم الحاج انت عمال تفقع مرارة العيال بالتاريخ الأسود بتاعنا ما انت برده وانا وكلنا بنسمع تاريخ اجدادنا المشرق وبنتنيل نعيط على اللي راح ونقول تلاقيه كان زمن حلو وياريتنا حضرناه لكن هي كده كل واحد وهو عايش في زمنه مش بيعجبه لكن لما بيشوف بلاوي غيره بتهون عليه بلوته اجدادنا زمان تعبوا في حياتهم واحنا دلوقتي تعبنين في حياتنا ولأسف بكره ولادنا هيتعبوا في حياتهم
بجد يا ولدي موضوع هايل ولو قعدت ارغي هاصدع دماغك
سلاااااااااااااااام
كل جيل له عيوبه و حسناته
بص يا سيدي مدرس الإنجليزي قال لي جمله لسه فاكرها لحد دلوقتي: "إحنا أجيال كانت حياتنا صعبه بس فرصتنا كانت كبيره أنتو بقى العكس تماما" يعني إللي أقصده إن إحنا المفروض نتطور بس إحنا بنرجع ورا
عندك مثلا الإمارات أصبحت من دول العالم الثاني ... يعني الناس بتطلع قدام ... إحنا عملولنا عالم عاشر مخصوص نقعد فيه لوحدينا ...مع إننا أغنى دوله في العالم و الدليل على كده إن أحنا بقلنا سبعتلاف سنه بنتسرق و ثروه البلد لسه ما خلصتش
بعدين أنا قلت أعمل فيها جدو ...أصل أنا أصغر واحد في العيله كلها و ماشفتش حد من أجدادي
مع إن جدي مات عنده ميت سنه ... يعني الراجل كتر خيره إستناني كتير بس أنا إللي تأخرت
كفايه كده
سلاااااااااااااااااااام
إرسال تعليق