بصو بقى القصه دي بدأت معايا من حوالي شهرين تعالى معايا و اسمع و استغرب
الزمن : الساعه 12 مساء
المكان : أوضتي وبحضر الكتب و المذكرات علشان أذاكر
تك تك تك تك تك تك تك تك تك تككككككككككككككككك تك تك تك
إيه الصداع ده .... طلعت البلكونه لقيتهم بيكسروا الشارع علشان يتسفلت قلت الحمد لله الشارع فعلا كان محتاج سفلته
وفضل الشارع على الحال ده لمده شهر حلفت فيه إني مش هسوق العربيه
الزمن : الساعه 12 مساء أيام الأمتحانات
فووووو تك تك تك تك تك تك فوووووووووووو تك تك تك فسسسسسسسسسسس تك تك
إيه القرف ده عندي إمتحان بكره و عاوز هدوء و أنا بذاكر ... طلعت البلكونه لقيتهم بيسفلتوا الشارع فعلا .. فرحت وقلت بكره هروح الإمتحان بالعربيه
وكانت السفلته كويسه قوي
الزمن : الساعه 12 آخر يوم إمتحانات
تك تك تك تك تك تك تك تك تك تك تك تك تك تك تك تك تك تك تك تك تك
الله يخرب بيت الصداع فيه إيه تاني ... لأ ده العمال بيكسروا الشارع علشان بيمدوا مواسير ميه جديده للحي ضمن مشروع الشركه الأمريكيه لتطوير شبكه مياه الإسكندريه
لا حول ولا قوه إلا بالله ..... أشوف فيكوا يوم
الزمن : الساعه 12 مساء
المكان : أوضتي وبحضر الكتب و المذكرات علشان أذاكر
تك تك تك تك تك تك تك تك تك تككككككككككككككككك تك تك تك
إيه الصداع ده .... طلعت البلكونه لقيتهم بيكسروا الشارع علشان يتسفلت قلت الحمد لله الشارع فعلا كان محتاج سفلته
وفضل الشارع على الحال ده لمده شهر حلفت فيه إني مش هسوق العربيه
الزمن : الساعه 12 مساء أيام الأمتحانات
فووووو تك تك تك تك تك تك فوووووووووووو تك تك تك فسسسسسسسسسسس تك تك
إيه القرف ده عندي إمتحان بكره و عاوز هدوء و أنا بذاكر ... طلعت البلكونه لقيتهم بيسفلتوا الشارع فعلا .. فرحت وقلت بكره هروح الإمتحان بالعربيه
وكانت السفلته كويسه قوي
الزمن : الساعه 12 آخر يوم إمتحانات
تك تك تك تك تك تك تك تك تك تك تك تك تك تك تك تك تك تك تك تك تك
الله يخرب بيت الصداع فيه إيه تاني ... لأ ده العمال بيكسروا الشارع علشان بيمدوا مواسير ميه جديده للحي ضمن مشروع الشركه الأمريكيه لتطوير شبكه مياه الإسكندريه
لا حول ولا قوه إلا بالله ..... أشوف فيكوا يوم
الزمن : الساعه 4,30 فجرا كنت نازل أجري على البحر
فووووو تك تك تك تك تك تك فوووووووووووو تك تك تك فسسسسسسسسسسس تك تك
ملت على عامل و سألته هما بيعملوا إيه .... قالي دول بسفلتوا الشارع تاني بعد ما شركه الميه كسرت الأرض
طب و ليه ما سبتوش شركه الميه تشتغل قبل ما تسفلتوا
نظر لي شذرا وقال : و أنت مالك يا كابتن ... روح شوف التفاهه إللي إنت رايح تعملها
طبعا ما رضيتش أنزل لمستواه و قلت حسبي الله و نعم الوكيل
الزمن : 4,30 فجرا كنت نازل أجري على البحر إمبارح
تك تك تك تك تك تك تك تك تك تك تك تك تك تك تك تك تك تك تك تك تك
بتعملوا إيه حضراتكم
والله لقينا السفلته مش حلوه قلنا نشيلها ونعيد السفلته من الأول
أنا مش هعلق أنا عاوز إللي يقرا الكلام ده هو اللي يعلق ....علشان أنا لو علقت أكيد هقول كلام مش لطيف
ممكن أقول تعليقي المعتاد
إن سبب كل ده هو : كده
هناك 7 تعليقات:
هوه فى شوارع أصلا عشان تتسفلت؟؟
ده انا ساعات بيتهيألى انهم و هم بيسفلتو حيستغفلونا و يلغولهم شارع ولا اتنين..
و بعدين ده طبع كل واحد جديد يحط رجله ف حته يحب يحط بصمته هى كمان حتى لو جت على انها تخرب..
انت عايز تشوف يوم بس؟؟ انا عايزه أيااااااااااااااااام..
شكرا على الملاحظات الدقيقة دى
مفيش تخطيط في البلد
يعني كل حجه فيها روتين الا التخطيط
ده اللي المفروض يكون فيه بيروقراطيه وروتين
لو فيه شارع حيتكسر المفروض
يتكسر
وبعدين يتعمل فيه الاصلاحات وفي نفس الوقت يلف على اللجان كلها والمسئولين علشان تشوف كل مديرية لو محتاجة تعمل حاجه في الشارع ده تعملها
وبعدين يتسفلت
محنا اتعودنا يتكسر شهر
اهو نخليها شهر ونص بس ميتكسرش تاني
مش كده واللا ايه
شكرا يا كوين على التعليق اللطيف ده
و بالنسبه لموضوع يستغفلونا و يلغوا شارع ده حصل فعلا
بعدين أنا إللي حز في نفسي قوي شبشبي الأخضر أبو صوبع إللي لزق في الزفت إللي بيرموه قبل الأسفلت و معرفتش أطلعه
المضحك و المثير للإكتئاب أيضا إني أضطريت أروح حافي ده بخلاف إني أنا نفسي لزقت في الأرض لولا ولاد الحلال شدوني
والموضوع كان فضيحه و مسخره وخصوصا لما لقيت البواب بيقولي
إزي رجليك يا دكتور م يارب تكون عرفت تنضفهم و للا أجيبلك بنزين
يا أستاذ زحل إحنا بنمارس البيروقراطيه والروتين على سبيل العاده و ليس على سبيل النظام
وطول النهار نشكل لجان و لجان علشان تتابع اللجان ولجان تالته علشانتشوف مستوى لجان المتابعه وهكذا
و في الآخر تالقي كل اللجان دي معموله علشان يغيروا غطا بالوعه اتكسر وعقبال ما يتصلح يكون وقع فيه متين واحد
حاجه تشل
والغريب إن كل اللجان المشكله بتصرف حوافز وبدالات و مكافأت وكل اللي نفسهم فيه من الهجص ده
وفي الآخر برضو ما بنعملش حاجه صح
بص يا كابتن سيب الناس تشوف شغلها يقولولك عايزين يسفلتوا سيبهم يسفلتوا يقولولك عايزين يحفروا طبعا يحفروا يقولولك عايزين سفلتوا تاني مش عيب برده يقولولك السفلته بتنأح عليهم وعايزه تعديلات يبقى تتنيل تسكت عشان الناس تشوف شغلها
الناس في بلدنا بيحسبوا ده سفه ميعرفوش ان الوزاره عينت الناس دي عشان تسفلت الشارع ده بس وبالتالي هي كل شغلتهم انهم يسفلتوه وبعدين يحفروه ويرجعوا يسفلتوه عشان يحفروه
عادي يا ابني
تحياتي يا فقري
وحسبي الله ونعم الوكيل
سلاااااااااااااااااااااااام
أنا موافق بس أنا بناشد كل الجهات المسؤوله إنهم ما يسفلتوش تحت أوضتي بالليل أصلي أنا البني آدم الوحيد إللي بينام بالليل
فبيبوظوا لي اليوم إللي وراه
وبعدين ممكن لو مش لاقيين حاجه يسفلتوها يسفلتوا سلالم العمارات و يخلوها زحليقه كبيره
و أهي برده فكره حلوه إن الناس تتزحلق وهي نازله الشغل
و شكرا على التعليق اللطيف
سلااااااااام
لأهمية الأمن والسلامة في مواقع التشييد والبناء سنقوم تباعاً بتوفير بعض المواد من الشبكة العنكوبتية لتوضيح المخاطر الممكنة في المواقع وكيفية العثور عليها من سفلته طرق وسنراعي إختيار فيديوهات قصيرة المدة وذات فاعلية كبيرة من ناحية المعلومات حتي يتمكن الزوار من إستعراضها والإستفادة منها من خلال تعاون شركه اسفلت مع جميع ما يخص مقاولات عامه من بناء المستشفيات والمدارس وغيرها
إرسال تعليق