مين مع مين ضد مين ليه ؟
ده سؤال بريء سألته لوالدي و أنا قاعد قدام التلفزيون بنتفرج على قناة الجزيره
وحصل الحوار ده
ده سؤال بريء سألته لوالدي و أنا قاعد قدام التلفزيون بنتفرج على قناة الجزيره
وحصل الحوار ده
المذيع : فتح تقتل 23 من مقاتلي حماس
أنا : هيييييييييه
والدي : فرحان ليه
أنا : مش حماس دول يهود
والدي : لأ
أنا : يا خساره يعني فتح هما إللي يهود
والدي : لأ هما الإتنين فلسطينين
أنا : هما اليهد سابو فلسطين و أنا في الإمتحانات
والدي : لأ
أنا : أمال بيضربو بعض ليه واليهود موجودين ما يضربو اليهود وخلاص
والدي : أصل بينهم إختلاف وجهات نظر
أنا : قول مبرر منطقي
والدي : كده
أنا : ده مبرر منطقي
المذيع : السنّه في العراق تقتل 12 من الشيعه في العراق
وحصل نفس الحوار اللي فوق وحسبت الامريكان سابو العراق والعراقيين مش لاقيين حد يقتلوه فقالوا يقتلو بعض وبعد ما سألت والدي كان رده
والدي : كده
المذيع : معركة النهر البارد في لبنان تسفرعن 67 قتيل في لبنان
أنا : هيييه طول عمري أقول البنانيين هما الرجاله اللي عاطيين إسرائيل على دماغها
والدي : لأ المعركه دي كانت بين اللبنانين و بعضهم
أنا : ؟؟؟؟؟؟؟
والدي : كده
قبل ما المذيع يكمل مسكت الريموت و غيرت القناه لقيت عمرو دياب بيغني ليلي نهاري ؟؟؟؟؟ حسيت إنه بيتكلم عننا ؟؟؟؟
ليه
كده
هناك 6 تعليقات:
أنا طول عمرى شايفة بردو ان عمرو دياب خير من يمثلنا بجد ده بصفتى دياباويه او ديابيان او كده..
اما موضوع قناة الجزيرة ده ف انا مش بقبلها اصلا تحسها كده قناة نيتها وحشة تسيب كل حاجه كويسة و تفتح عينها للحاجات المحبطه و خصوصا اذا كانت فضيحة عن مصر..
و ربنا مع فتح و همه بيضربوا حماس أصل احنا ناقصين.
بالنسبه لقناة الجزيره انا لغيتها من التلفزيون علشان مش ناقصه نكد
أما بالنسبه لعمرو دياب فده جزء من البوست الجاي
شكرا
بص يا عم الحاج تجيبها كده تجيلها كده هي كده ولو مش عاجبك كده سيبك من كل ده واعملها كده او حتى كده ماهي كده ولا كده مفيش غير كده
فهمت حاجه
حلو قوي البوستين دول وجامده قوي فكرة كده دي بس لو عرفت تستغلها حلو في كل بوستات او على الأقل سلسلة كده مثلا جوه المدونه هتبقى واد كده
مبروك على المدونه وتحياتي ليك
سلاااااااااااااام
اما بخصوص الناس اللي عمالين يضربوا في بعض وسايبين المصايب الكبيره
هي دي بلادنا للأسف العدو نجح انه يشغلنا عنه بضرب بعضينا في بعض ولا حول ولا قوة الا بالله العلي العظيم
لكن مش عشان الجزيره بتجيب فضايحنا نقوم نكرههم ونحط دماغنا في الرمل ياريت نصلح نفسنا عشان محدش يضرب بينا المثل في الفساد
واعتقد انهم مش بيقولوا كلام كدب زي صاحبتنا اللي جابت بنات بالإيجار يقولوا انهم بائعات هوى في مصر
المهم ان احنا نصلح نفسنا بدل ما نلغي القناه ونكبر دماغنا ماشي يا اسكندراني يا لذيذ
تحياتي
سلااااااااااااااااااااااااااام
سلام متوازي المستطيلات للأستاذ الشنكوتي الكبير
رئيس جمعيةالشناكيت المتحدين
و أهلا بيك في البلوج ويارب أفضل عند حسن ظنك
و بامناسبه انت كده والله
عندي طلب صغير
ممكن أنضم لجمعية الشناكيت المتحدين
وشكرا
keep cooooooooooool . and never mind .
إرسال تعليق