إكتشفت مؤخرا إكتشاف عظيم جدا بس مش هقول الإكتشاف إلا بعد ما أخلص مقدمات الإكتشاف العظيم
الموقف الأول
في يوم من الأيام أتفقت مع أصدقائي على عمل عاده غير حضاريه ألا وهي الجلوس على قهوه لمشاهده ماتش كوره
لقيت الناس كل كوره تضيع ألاقي واحد بيقول : يا حمار المفروض تلعبها على الأرض و ما تعليهاش
طبعا أنا ما فهمتش حاجه بس شكله بيقول كلام صح ما دام هو واثق من نفسه كده و أعلن عن رأيه بصوت عالي
الموقف التاني
كنت واقف في الترام لقيت تلات رجاله عواجيز وواحده ست قاعدين قدام بعض ولقيتهم بيتكلموا في الدين وعمالين يفتوا في مواضيع غريبه جدا لدرجة إني بلّمت
بس كلهم كانوا بيتكلموا بصوت عالي و ثقه وده بمثابه دعوه عامه للناس للمناقشه بس أنا طبعا ما رضيتش أتكلم معاهم ... شكلهم كده عارفين كل حاجه
الموقف الأول
في يوم من الأيام أتفقت مع أصدقائي على عمل عاده غير حضاريه ألا وهي الجلوس على قهوه لمشاهده ماتش كوره
لقيت الناس كل كوره تضيع ألاقي واحد بيقول : يا حمار المفروض تلعبها على الأرض و ما تعليهاش
طبعا أنا ما فهمتش حاجه بس شكله بيقول كلام صح ما دام هو واثق من نفسه كده و أعلن عن رأيه بصوت عالي
الموقف التاني
كنت واقف في الترام لقيت تلات رجاله عواجيز وواحده ست قاعدين قدام بعض ولقيتهم بيتكلموا في الدين وعمالين يفتوا في مواضيع غريبه جدا لدرجة إني بلّمت
بس كلهم كانوا بيتكلموا بصوت عالي و ثقه وده بمثابه دعوه عامه للناس للمناقشه بس أنا طبعا ما رضيتش أتكلم معاهم ... شكلهم كده عارفين كل حاجه
الموقف الثالث
كنت راكب مع سواق تاكسي ...لقى عربيه عطلانه على جنب راح واقف جنبه و سأله بثقه :
غيرت البوجيهات قريب ... بصيت على الكبالن قبل ما تطلع .....ز غيرت السفايف بعد عشرين ألف كيلو
يبقى أكيد العيب في الكاربيراتير أو الأسبيراتير ..... عموما جرب تاخد جامب للبطاريه ..... وكارك كويس قبل ما تطلع
الموقف الرابع
لقيت واحد بيقول لصاحبه أنت شكلك كده تعبان خدلك معلقه إتافللين بعد الأكل و إنتا تبقى كويس
طبعا أنا معرفش إيه الإتافللين ده
بس الراجل شكله بقول كلام محترم
الموقف الخامس
إمبارح كنّا قاعدين قدام سان ستيفانو على البحر الساعه عشره بالليل لقينا عربيه خبطت واحد ماشي مع أخته الصغيره
طبعا أتفجعنا كلنا ولقيت الناس جروا عليهم .... البنت كانت كويسه لكن الولد أغمى عليه
لقيت كل واحد بيحاول يتعبه زياده بمحاولات عبيطه لمساعته
صاحبي قالي : قوم يا أبني إعمل حاجه
قلت له : أنا لسه في إعدادي صيدله يعني من الآخر حمار
فجأه أندفع صديقنا الثالث والجدير بالذكر أنه في كلية الآداب قسم إجتماع نحو الجماهير المحتشده حوله وقال لهم بثقة دكتور : وسعوووووووووووووا وسعووووووووووا ... عاوزين شويه هوا
بعدين لقيته مسك إيد الفتى الملقى على الأرض بثقه وحنكه ماسكه ملهاش أي معنى و قال له : حاسس بإيه ... إنت كويس
طبعا أنفجرت ضحكا من دخلته الجامده عليهم وبعدين الكشف العبيط إللي عمله عليه
المشكله إنه فتح الباب لكل الناس إللي عاوزه تجرب نفسها في الطب
الإكتشاف
بعد هذه السلسله من المواقف المضحكه أكتشفت أن في مصر سبعين مليون لعيب ومدرب كوره وسبعين مليون شيخ ومفتي و سبعين مليون ميكانيكي وسبعين مليون صيدلي و سبعين مليون دكتور
و أكتشفت إني الحمار الوحيد إللي في البلد و لسه ما بعرفش أعمل حاجه
ولا أنتوا رأيكوا إيه : أنا رأيي إن الشعب ده كده
كنت راكب مع سواق تاكسي ...لقى عربيه عطلانه على جنب راح واقف جنبه و سأله بثقه :
غيرت البوجيهات قريب ... بصيت على الكبالن قبل ما تطلع .....ز غيرت السفايف بعد عشرين ألف كيلو
يبقى أكيد العيب في الكاربيراتير أو الأسبيراتير ..... عموما جرب تاخد جامب للبطاريه ..... وكارك كويس قبل ما تطلع
الموقف الرابع
لقيت واحد بيقول لصاحبه أنت شكلك كده تعبان خدلك معلقه إتافللين بعد الأكل و إنتا تبقى كويس
طبعا أنا معرفش إيه الإتافللين ده
بس الراجل شكله بقول كلام محترم
الموقف الخامس
إمبارح كنّا قاعدين قدام سان ستيفانو على البحر الساعه عشره بالليل لقينا عربيه خبطت واحد ماشي مع أخته الصغيره
طبعا أتفجعنا كلنا ولقيت الناس جروا عليهم .... البنت كانت كويسه لكن الولد أغمى عليه
لقيت كل واحد بيحاول يتعبه زياده بمحاولات عبيطه لمساعته
صاحبي قالي : قوم يا أبني إعمل حاجه
قلت له : أنا لسه في إعدادي صيدله يعني من الآخر حمار
فجأه أندفع صديقنا الثالث والجدير بالذكر أنه في كلية الآداب قسم إجتماع نحو الجماهير المحتشده حوله وقال لهم بثقة دكتور : وسعوووووووووووووا وسعووووووووووا ... عاوزين شويه هوا
بعدين لقيته مسك إيد الفتى الملقى على الأرض بثقه وحنكه ماسكه ملهاش أي معنى و قال له : حاسس بإيه ... إنت كويس
طبعا أنفجرت ضحكا من دخلته الجامده عليهم وبعدين الكشف العبيط إللي عمله عليه
المشكله إنه فتح الباب لكل الناس إللي عاوزه تجرب نفسها في الطب
الإكتشاف
بعد هذه السلسله من المواقف المضحكه أكتشفت أن في مصر سبعين مليون لعيب ومدرب كوره وسبعين مليون شيخ ومفتي و سبعين مليون ميكانيكي وسبعين مليون صيدلي و سبعين مليون دكتور
و أكتشفت إني الحمار الوحيد إللي في البلد و لسه ما بعرفش أعمل حاجه
ولا أنتوا رأيكوا إيه : أنا رأيي إن الشعب ده كده
هناك 11 تعليقًا:
والله العظيم انت دماغ
فعلا مصر فيها 70 مليون شخص فاهم كل حاجه..حتى كلمة معرفش بقت عيب و عار انك تقولها..
بقيت لما تفتى بطل ولما تقول معرفش تبقى جاهل.
الدنيا اتقلب حالها و كله جاهل اللى بيقول انه بيفهم ف كل حاجه يبقى حماااااااااااااااااااااار مش انت.
و ماتقولش كده تانى يا كابتن ولا بلاش كابتن دى الا يقولو عليك بتفهم كورة جمب الصيدلة.
سلااااااااام
أصل هما فعلا خنقوقني
يعني مثلا و أنت قاعد عند الحلاق تلاقيه حل كل المشكلات الإقتصاديه والسياسيه
وأن الحكومه ممكن تستعين بيه بس هيه
إللي مش راضيه
و عجنتني قوي عباره " لما تفتي تبقى بطل و لما تقول معرفش تبقى جاهل " دي فعلا تعبر عن كل الصداع إللي أنا قلته
وشكرا على التعليق الجميل ده
بص يا كابتن ولا برده بلاش كابتن على راي اللي قبلي
هم المصريين اصلهم طول عمرهم مفيش حد مديهم فرصه يحددوا مصايرهم ومصير بلدهم والدنيا دايما بتغلبهم على امرهم فطبيعي ان يكون عندهم كبت فظيع انهم يقولوا رأيهم مره من نفسهم مش مهم صح غلط المهم انه يقول رأيه ويحس ان رأيه مهم وانه بيفهم كل حاجه
المصيبه انهم بيأذوا بعض بالنصايح المنيله اللي بيقولوها دي
واخيرا
انا عايز اعتذرلك عن غيابي فعلا انا اتخضيت لما لقيتك منزل اربع بوستات وانا معلقتش على حاجه فيهم خالص انا فعلا قصرت معاك
بالمناسبه بما انك بتتكلم عن الناس اللي بتفتي كتير ممكن ابقى افتيلك في حاجه صغيره كده بيني وبينك على جنب
سلاااااااااااااااااااام
عارف لو كل واحد يفتي بس في الحاجه إللي بيفهم فيها بس يفتي بضمير
هيكون وضعنا أفضل بكتير
لو جيت لواحد مثلا سباك ... ممكن تلاقيه بيفتي في كل حاجه ...و في الآخر تلاقيه بوظلك سباكه البيت و مشى
يعني حتى مهنته ما بيفهمش فيها
الفكره كلها إني عاوز كل واحد يتكلم في إللي بيفهم فيه ويعمله بإتقان
و الله إحتمال كبير نتغير ونبقى أحسن
و بالنسبه لغيابك فأنت أكيد كنت مشغول ... و أنا عموما ما بزعلش من حد لأن كل واحد بيعمل حاجه بيبقى ليه عذر مقنع... فعلشان كده أنا عمري ما بزعل من حد
بس أنا والله قلقت عليك جدا و كل
أعضاء نادي الشناكيت
إفتي لي في حاجه صغيره على جنب ... يعني هتيجي عليك ما كل الناس بتفتي لدرجه إن قررت أعمل يوم أفضفض و أطلع عليهم إللي بيعملوا فيا و أفتي في كل حاجه ماليش فيها
سلااااااااااااااام
وشكرا على الزياره
ده الأيميل بتاعي عايز ايميلك عشان ابقى ابعتلك الكلمتين اللي قولتلك هافتي فيهم بيني وبينك ماشي يا باشا
ehabonnet@hotmail.com
سلااااااااااااااااااااااااااام
ياباشا
احنا اللي دهنا الهواء دوكو
واحنا اللي خرمنا التعريفة
وحطينا صباعنا الكبير ده بتاع ايدينا في خرم الربع جنيه المخروم
عيب عليك
مشكله كبيره عندنا ان كل واحد فينا فاكر نفسه هو الحاوي واللعيب والشاطر واللي ملوش حل في كل حاجه
ربنا يهدي
واحنا كده فعلا
امبارح كنت مع واحد
طلع بيفهم في الفلك والجمارك والاتجاهات الاربعة بتاعت الجغرافيا وبيفهم كمان العلاقات البشرية وعارف ازاي بيتم التلاعب في ماتشات الكورة
ومن الاخر بتاع كله
:D
شنكوتي باشا الإيميل يتاعي
mohammedyakout@gmail.com
زحل باشل
كل المصريين بيفهموا في كل حاجه بس أن رجائي الوحيد إت هما يبعدوا عني
أنا مستحملش أركب مع سواق تاكسي وخبير أقتصادي ومختص كيمياء نوويه و عالم فلك و بيقرا الكف
يعني من الآخر ملتي سيستيم
شكرا التعليق الظريف ده
و ياريت تعرفني على إللي كان معاك إمبارح
أصل هوه ده إللي كان ناقصني
شكرااااا
سلااااااااااااام
ههههههههههههههههههه فعلا هوه دا المعروف عن المصريين , كل لما اقول لماما دماغى او دراعى اوى اى حاجة وجعانى تقولى برد ، طب بصى الحباية اللى فى وشى دى ، دى حب الشباب , واقول لصحابى انهاردة المواصلات كانت رايقة وانا جاية يرد اربعة فى صوت واحد اكيد علشان احنا فى وسط الاسبوع ، اقول اكيد هما بيفهموا وفى حاجة بتحصل فى وسط الاسبوع ، اجى وانا مروحة معاهم برده الاقى المواصلات زحمة جدا ونكاد نكون متشعبطين والمترو قافل علينا واقولهم هوه ليه الدنيا زحمة يقولولى احنا فى وسط الاسبوع برده ، الغريب إن الثقة اللى بيتكلموا بيها بتقنعنى حتى لو انا واثقة انهم غلط
زي الهوا
دخلتك على البلوج بتاعي رطبت الدنيا عليا في وسط موجه الحر المرعبه دي
أنتي عارفه إيه سبب موجه الحر .... علشان أحنا في وسط الأسبوع
يا رب يكون عجبك البوست .... و عاوز أشوفك هنا كتير بإذن الله
سلاااام بقى علشان أروح أشوف البلوج بتاعك
سلاااااااااام
هههههههههههههههههههههه
انت لسه عارف ان البلد فيها سبعين مليون جهبذ في كل تخصصات الدنيا
حتى طب النسا
إرسال تعليق